PIKARA magazine aldizkari feminista online

pikara.jpg

Feminismoari buruz sakondu nahi izan dugunontzat, berri feministak irakurtzeko aukera egon badago. “Mujeres en Red” eta “Sin genero de dudas” ezagutu nituenetik, urteak pasa dira, Montserrat Boixen eskutik lehenengoa eta Carmen Castrori esker bigarrena. Hauetaz aparte, Elsa G. Leverren “MujeresNet” eta besteren bat ere bisitatzen ditut noizean behin.

Horrela izanda, gauza bat feminismoari buruzko berriak irakurtzea da -horretarako aipatu ditudan portalak itzelak dira-, eta beste gauza bat, ikuspegi feminista duten berri interesgarriak eta frexkoak eskuragarri izatea da. Azken honekin falta genuenok badaukagu zer berri ospatzeko:

http://www.pikaramagazine.com

Oraingoan, eskaeratxo bat daukat: kazetari euskalzaleren batek sarrera honekin topo egiten badu, June Fernandezek, Maite Asensiok, Itziar Abadek eta Lucia M. Odriozolak, Kazetarion berdinsareko kideek sortu duten proiektu honetan euskaraz parte hartzeko gonbidapena luzatzera ausartzen naiz. Anima zaitez, beraz proiektua sakon ezagutzera, merezi duela!  

Z O R I O N A K   N E S K A K !

Claudio Naranjo eta hezkuntza patriarkala

Aspaldiko partez ez dudala bloga eguneratzen, egia esan azken urtean izandako lanak ez dit ia astirik utzi nire kontutxoak aurrera ateratzeko. Baina tira, ikusiko dugu hurrengo urtean zelan doan feminismo eta garapenarekin egindako lotura hau. Azken urtean bi gai hauek sakon landu ditut -lanari ezker, bestalde-. Batez ere ikuspegi kritiko batetik emakumeen eskubideekin lotura duten gaietan sakondu dut, errebindikazio feministetan sartuta nago goraino hilabete hauetan eta laister horri buruz zer edo zer idazteko aukera izatea espero dut. Guzti honetaz aparte, ez dira gutxi izan bidean aurkitu ditudan hausnarketak eta espazioak, baita ikuspegi berriak ere, Claudio Naranjok Bilbon emandako hitzaldia adibide polita iruditu zait hemen plazaratzeko.

Garapenean eta garapenerako hezkuntzan espreski, lan politikoa egitera ohituta egonda (ikuspegi politiko batetik behintzat), Claudiok zenbait argibide eman zizkigun lan honetan dihardugunoi,  piramide bati buruz hitz egin zigun, hiru elementuei buruz: adimena, emozioa eta zentzu animalari buruz, gizakiok hiru gaitasun hauek omen dauzkagu erabiltzeko.ikuspegi politikoa, nik adimenakin lotzen dut eta bere hitzetan, adimena da gehien lantzen dugun elementua orokorrean, gehiena, edo bakarra. Horrek mugatzen gaitu noski!

Orduan argia ikusi nuen eta tratu onetan lan egin behar dugula etorri zitzaidan burura, adimenari kasu egin baina emozioak ahaztu barik, lehenengo mailan ere jarrita. Ariketa hau egitea oso garrantzitsua da eta politikan ez dugu sarritan egiten, salaketan gelditzen garela dirudi eta feminismoak berak haura egitera derrigortu beharko gintuzke… hurrengo egun baten jarraituko dut honekin mamia baitauka gaiak.

FEMINISMOAK GARAPENERAKO AGENDAN TOPAKETA. Maiatzaren 27 eta 28an Bilbon.

topaketa-feminismo-eta-garapena.jpg

Bai ACSUR-Las Segovias, zein Hegoa, garapenerako politiken  inguruan sakontzen  adituak diren erakunde bezela, feminismoari loturik doan hausnarketa eraman dute aurrera honakoan. Ondorio gisa, ez dagoelako garapen polítika baliogarririk, ikuspegi feminista batetik ez badago eginda.

Horrela izanda, topaketa honek, agenda politiko bat eratzea izango du helburu. Egungo globalizazio egoeran eta zibilizazio krisian (ekologikoa, demografikoa, balioak, finantzak, etab.) ematen diren
feminismoaren gai gakoak identifikatu nahi ditugu. Alde batetik, elkarrizketa eta elkartrukerako gunea sortuko dugu, garapenaren inguruan lan egiten duten elkarteen parte hartzea bermatuta dago, baita Hego Amerikako mugimendu feministarena ere. Garapenerako Gobernuz Kanpoko Erakundeak eta Iparraldeko zein Hego Amerikako mugimendu feministen arteko lotura bultzatzeko gunea sortu nahi dugu, elkartasun eta lankidetza mugimenduetan agenda feministarekin bat datozen joera eta praktika kritikoa sortzeko.

Emakumeen eskubide ekonomikoak, zaintza krisiarekin lotuta; emakumeen eginkizuna  gatazka egoeretan; baita emakumeen eragina politikan eta gizarte parte hartzean izango dira bereziki landuko diren gaiak. Beti ere garapenaren inguruan egiten diren politikei begira, baina gure artean –Iparraldean-lortu beharreko erronkei ere.

GORA EMAKUMEON BORROKA, GORA MARTXOAREN 8A, GORA BORROKA FEMINISTA!!!

p1000982.JPGHEGOA eta ACSUR-Las Segovias-ek, 2010eko Maiatzaren 27 eta 28an, Bilboko EHUko Ekonomia eta Enpresa Zientzia Fakultatean (Sarrikon) aurrera eramango dugun Feminismoak Garapenerako Agendan Topaketa aurkeztu nahi dizuegu. Berri honekin batera, aipatutako topaketa zabaltzeko eratu dugun www.feminismos.hegoa.info web orrialdea ezagutarazi ere.

Topaketa honek Ipar eta Hegoaldeko emakumeak -nortzuk feminismoaren esparruan lan egin eta estrategiak proposatzen dituztenak- eta estrategi hauek ezagutu, bat egin eta suspertu nahi dituzten GGKE-ak bilduko ditu. Asmoa,  genero ikuspegitik, giza garapen iraunkor paradigmatik aurrera jotzea da.

Helburuak bi dira. Alde batetik, eztabaida eta hausnarketarako esparrua sortzea; bestalde, praktika eta diskurtso feministak nazioarteko lankidetzan eta GGKE-en politiketan eta ekintzetan argitasun, energia eta eragin gehiagorekin kokatzea.

Bertan, Hegoaldeko eta Iparraldeko mugimendu feministaren arteko elkarrizketa sendotzeko ahalegina egingo dugu, testuinguruaren arabera garatu diren estrategiak ikustarazi baita, gehienetan sistematizazio formalik gabe, emakumeen nazioarteko mugimenduak eskeinitako ekarpenak ere.

Gertakari honen emaitza nagusia emakumeen giza eskubideak aldarrikatzeko agenda polítiko bat isladatzen saiatuko gara. Agiri hau, topaketan egindako lanetik eratutako emakumeen interesak jasoko dituen emaitza erreibindikatiboa izango da eta Lankidetzan lan egiten duten erakunde, GGKE eta Hegoaldeko zein Iparraldeko mugimendu feministen arteko elkarlana bultzatzeko tresna gisa erabiliko da.

Nahi izanez gero, www.feminismos.hegoa.info zuen kontaktuen artean zabaltzeko eskaera luzatu nahi dizuegu.

 

Eskerrik asko!!

 

GRANADAN 30 URTE GEROAGO: IRAULTZA FEMINISTAREN BIDEAN

cartel_jornadas_granada.jpg30 urte asko direla esan dezaket 32 urte izanda, ez dakit beraz,ze nolako giroa egongo zen garai horretan Granadatik 1979an Jardunaldi Feministak ospatu zirenean, kristona seguruenik…

Esan dezakedana, berriz, dudarik gabe, aurtengo kasuan arrakastatsuak izan direla jardunaldiak. Polemikarekin hasteagatik, gizonen partaidetzaren eztabaida larregizkoa izan dela iruditu zait, badira miloika gune, non elkarren artean bildu gaitezkeen, neska eta mutilak feminismoari buruz aritzeko, zergaitik horrenbeste gatazka hiru eguntxo “bio-neska” artean elkartzeko aukerarekin?, zeren beldurra dago?. Polemika, aipamentxo hau baino konplexuagoa dela argi daukat, baina badakit baita, gizonek parte hartzeko bide irekia izango balute akabo jardunaldi feministekin. Hala eta guztiz, gizonen bat hortik ibili da jardunaldi hauetan, eta egia esan, bere partaidetzak ez du giro onik utzi. Adibide honekin, tristuraz blai, oraindik ez dela emakumeen guneak apurtzeko momentua esan dezaket.

Lehenengo eguna azaltzeko ez daukat hitzik, zelako subidoia!! 3000 emakume feminista inguru batera ikusteak zoratu ninduen, politena elkarren arteko bereizitasunak, diskurtso ezberdinak, eztabaidatzeko gogoa, umore puntua (ezin hobea aurrera eramandako monologoa izugarri ona) eta bukatzeko Hego Amerikako Ochi Curiel-ren kontzertua

Eztabaidak oso onak eta gaiak baita partaidetza izugarri ugaritsua, migrazioaren inguruan sakontzea nahiz eta faltan bota, lehenengo mahai inguruan hitzegin zutenen hitzaldiak lekutik ez mugitzeko modukoak izan ziren. Ana Murcia aipagarria, guztiek atzerritartasun legeari egin zioten aipamen, eta horrek ausartu gintuen SOS arrazakeriako batzorde feministakoei legearen kontrako borroka izendatzeko.

Beste mahai esanguratsu bat niretzako: krisialdiaren inguruan, Amaia Perez Orozko, “La eskalera karakola”ko kideak, “Ecologistas en acción”eko Yayo Herrero eta Cristina Carrasco ekonomialari feministak aurrera eramandakoa. Baita sexualitatearen inguruan egun berean aurrera eraman zena: Montse Pineda, Rosa Sanchis, eta batez ere Ana Tavora psikiatra-psikoterapeuta feministak liluratuta utzi gintuen parte hartu genuen guztioi, OSO ONAK…

Ez naizenez larregi luzatu nahi, plazaratutako manifestazioa aipatzea ezinbestekoa iruditzen zait bukatzeko, agian momenturik hoberena izan baitzen: “y luego direis que somos cinco o seis” eta “la virgen del rocio es un bio-tio” edo “la virgen maría también entendía/ -también abortaría” leloekin gelditzen naiz. Egun guztietan bizitako elkartasuna ere esanguratsua da, batez ere hasiera-hasieratik Aminetu Haidarrekin izandakoa.

“Biotio eta biomujer”kontzeptu berriekin etorrita “queer-mugimendu feministak” daukan indarra aipatzeko modukoa izan da granadan, zaratatsua gaia inondik inora. Ondoriorik politena bestalde, asko baino gehiago garela da, nahiz eta queer, ezberdinatasunezkoak, berdintasunezkoak, marimatxoak, edo superwomanak izan, ASKO ETA EZBERDINAK garela argi utzi dit Granadako esperientziak, eta lan handia daukagula egiteko baita. Indarrez beteta etorri naiz, bakarrik ez nagoela jakinda eta nahiz eta gauza asko ulertzeko (ez konpartitzeko, ulertzeko baizik) agian denbora beharko dudan -Donna Harawayren obra etorri zait burura- bide zuzenean eta indartsu nagoela jakin, badakit, ez dela gutxi.

GORA BORROKA FEMINISTA!!

*Oparirik politena Paula eta Rociorekin bertan elkartzea, ¡os kiero locas!